美容資訊

肥手臂原來影響成個上身?3大問題話你知!

所謂一白遮三醜,一肥毀所有。大家有無覺得身邊邊個部位肥左之後就會影響到成個人都厚左?小編認為肥上身一定喺手臂啦,皆因對於手臂肥咗有好深嘅體會,拜拜肉出哂黎,會開始連背脊都厚埋,側面睇更加喺虎背!但大家又知唔知,其實手臂脂肪多真喺會影響成個上身體態?因為會連帶住肩膀同胸部位置,所以好明顯會出現變化!大家一齊黎睇吓呢3個問題啦!

  1. 副乳

副乳喺一直糾纏唔少香港女性嘅問題之一,除左因為無挑選合適胸圍之外,其實手臂都會造成影響!由於由頸至到胸部有好多淋巴線,所以會發現其實有唔少按摩教學都教你點去令到頸至胸無咁腫同埋令你血氣暢通,但當你手臂肥左姐喺代表由腋下至背既位置都會血氣唔流通,背同腋下連帶胸部,當唔順暢果陣,副乳問題就自然會出現。

  1. 氣色

手臂肥亦會令到肩頸腫脹,因為上手臂其實好少郁動所以經絡循環唔流通,就會水分堆積,搞到腫漲,而呢個問題會令到氣色都差咗!可能大家唔會諗到手臂肥都會令到臉色差,但由於淋巴唔暢通既時候頸就會腫,而血氣通唔到上臉部就會令到氣色變差,所以會發現有唔少人氣色淡黃、無精神,長期一副攰樣,呢個都喺其中一個原因呀。

  1. 鎖骨 

鎖骨對女仔黎講喺好重要嘅事,因為佢嘅顯瘦功能極!之!好!所以有唔少減肥教學都教女性「鎖骨操」,因為鎖骨可以話喺女性嘅魅力同靈魂呀!但如果無左鎖骨呢?無左鎖骨就會令到成個人既肩膀同上胸位顯得好圓厚,無線條,而手臂肥喺會搞到無鎖骨嘅其一因素啦,因為毒素會積聚於頸至肩位置,令到鎖骨唔明顯,而我哋成日講嘅「斜方肌」會變厚,令到上身睇落更加壯,所以「鎖頭能見度」都影響上半身體態呀。

基本上女仔肥一部份就會衍生出其他連帶問題出現,當然手臂肥只喺其中一個因素,而有呢3個問題好多時都喺關淋巴同水腫問題先會搞到咁,所以大家得閒點都要郁動下,拉下筋,按摩下自己!等身體既血氣流通得多啲,體態自然慢慢變好!